Schaugts aussi wias regnt
Mundart, Niederdeutsch und Dialekte | Trauerlieder | Volkslied im 19. Jahrhundert | 1900
Die Noten zu "Schaugts aussi wias regnt":
Schaugts aussi, wias regnet
Schaugts aussi, wias giaßt
Schaugts aussi, wias Wassa
vom Dach abischiaßt
Gar´n wunderliabs Dianderl hab i heint woana sehgn
und da hab is halt gfragt was dem Dianderl is gschehn
Schaugts aussi…
Und das Dianderl hat gsagt: Warum sollt i nöt woan
und moa Bua, der is gstorbn, iaz bin i alloan
Schaugts aussi…
Ei du wunderliabs Dianderl, hör auf mit deim Woan
und du derfst um a Büaberl, dös gstorbn is, nöt woan
Schaugts aussi…
Und i bin a arms Dianderl, kumm nimma auf d Heh
hab koan Vatan, koa Muatta, koa Büberl nit meh
Schaugts aussi…
Ei du wunderliabs Dianderl, hör auf mit deim Woan
schau, i wüßt dir a Büaberl, geh, bleib nöt alloan
Schaugts aussi…
Text und Musik: anonym – aus Oberbayern , Bayern
u.a. in: Allgemeines Deutsches Kommersbuch (1858) — Zupfgeigenhansl (1908) —