Wat wor dat doch en Kölle för e Levve
Als sei noch stund, die ahl, die schön Stadtmoor!
Ming beste Schmeck, die hätt ich dröm gegevve,
Wör noch dat ahle Köln en singem Flor!
Doch hück o jömmich nä, jedwedes Kutscherhätz,
Dat kriesch, un och sie Pääd
dat schött mem Stätz.
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Dat beßchen Brud, wat mer su soor verdeente
En Schnei un Ihs, en Wind, en Kält un Rähn,
Wie de Stadtmoore sei verungeneete,
Do wor uns Elend och ald nit mie fähn;
Die Düvelspädsbahn kohm,
meer wohte lahm gelaht,
No steiht mer dagelang un hät kein Faht:
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Mer Kutscher han an nix et fähle lohße,
Uns Wage fingen ehres Gliche nit;
Doch ston uns Pääd sich lahm bahl
op de Stroße,
Un unserem weiß nit wo’t Foder kritt.
Et Pääd, dat friß jo noch,
doch mer verhungeren bahl,
Wör he un do nit ald ens Stadtrotswahl!
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Jo, jo, de Pädsbahn hät et uns verdorve,
Die fäht an jedem Huus bahl op de Läuv,
Fährt Bruckslück un wann einer eß gestorve –
Et weed per Pädsbahn ald sugar gedäuf.
Ich sin et kummen ald,
mer sinn et secher noch:
De Pädsbahn mäht de Fastelovendszog!
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
De Konkerrenz, die deiht uns ganz verdränge,
Dat hält es beste Pääd bahl nit mieh uus.
Et neueste, wat et Unglöck uns dhät bränge,
Dat eß ’nen ungeheure Omelenbuß!
No han mer gar nix mih,
mie Lott da friß ald Strüh,
Su geiht et met uns Kutsch’re flott perdü!
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Wann dat su vöran geiht, wat sall mer maache,
Mer wand’ren all noch noh Venedig uus.
Anstatt Fiak’re kaufe mer uns Naache,
Dann han mer ävver doch der eine Truus:
Et kütt kein Pädsbahn därr,
die sich ehr Schiene läht,
Weil Wasser noch bis jitz kein Balken hät.
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Doch mingen Bock wie künnt ich dä verlohße,
Un och ming Schmeck, die litt am Hätze meer.
Ich fahre Wigger durch de kölsche Strohße
Met mingem Lott, däm Brung, däm treuen Dheer.
Ne kölsche Kutscher
hät och ganz zoletz noch Trump,
Em Nuthfall zeige meer de Schmeckestump:
Klitsch, klatsch, tricke track
Flöck erav dä Fodersack!
Jö, Lottche, jö, treck aan,
Höösch do nit de Pferdebahn?
No kütt jitz zum Üvverfluß
Su ne lausige Omelenbus:
Tot, Tö! Klingelingeling!
Löstig sin mer doch
trotz all däm Tingeling!
Text: Wilhelm Joseph Breuer (1861-1933) –
Musik: Heinrich Körschgen (1858-1922) in Karnevalslieder-Sammlung S. 134
in Kölsche Lieder , Köln , ca. 1930