Schenkts mir amal was Boarisch ein
boarisch woll´n ma lustig sein
Die Schneider dös sind schware Leut
neun wiegen fast zehn Pfund
und wenn´s net so viel wiegen tun
sans g´wiß net richtig g´sund
Schenkts mir amal was Boarisch ein
boarisch woll´n ma lustig sein
Die Schuster machen heutzutag
die Schuh ganz nach der Mod´n
doch wennst es acht Tag tragen hast
gehst schon auf deutschem Boden
Schenkts mir amal was Boarisch ein
boarisch woll´n ma lustig sein
Die Maurer putzen d´Häuser ro
und malens na recht bunt
doch wennst es morgen anschaun willst
liegt alles wieder drunt
Schenkts mir amal…
Die Schmied, die müssen Roß und Ochs
zum Fahren richtig b´schlagn
wenn´s glei den Sack voll Goldfüchs hab´n
tun´s doch no allweil klagn
Schenkts mir amal…
Dö Glaser, dös san nette Leut
so nobel und so fein
kam, daß a Glasl trunken hab´n
so schenken´s wieder ein
Die Zimmerleut, die essen gern
a gute, geselchte Wurst
drum darf man sich verwundern net
wenn´s allweil haben Durst
Schenkts mir amal…
Kaminkehrer san spaß´ge Leut
habn eignen Sinn und Geist
die kratzen alleweil herum dort
wo sie´s gar net beißt
Schenkts mir amal…
Die Brauer, dös san schlaue Leut
bei dena geht´s gut um
Die sied´n ihra Gerstenstroh
mit´r Hopfenstang rühren´s um
Schenkts mir amal…
Der Wirt, dös ist der Allergscheitst
der schenkt recht wenig ein
und denkt si, was da z´wnig is
no ja, dös g´hört halt mein
Schenkts mir amal…
Wennst über d´Wirtin schimpfen tust
na denkts: i krieg die schon
wennst wieder etwas z´essen willst
wird recht klein d´ Portion
Schenkts mir amal…
Dö Sänger, dös san richt´ge Leut
dö singen Liad´ln fein
doch haperts mit dem Takt oft recht
sie kommen halt net d´rein
Schenkts mir amal…
Dö Ordner, dös san flinke Leut
dö müssen laufa ,renna
´s ist eahna allergrösste Freud
wenn´s nur recht g´schafteln kenna
Schenkts mir amal…
Der Vorstand is a braver Mo
drum ham man a recht gern
doch wenn er unser´n Will´n net tut
so wer´n wir uns beschwer´n
Schenkts mir amal…
Der Präses ist der rechte Mo
so streng und doch so gut
was uns von eahm am meisten freut
is sei Zylinderhuat
Schenkts mir amal…
Jetzt aber, glaub i, is scho gnua
i moan, iatzt mach ma aus
´s wird gscheiter sein, wir hör´n iatzt auf
und genga bald nach Haus
Schenkts mir amal…
Text und Musik: Verfasser unbekannt ?
in Gesellenfreud (1913)