Dar licht ein Stat in Osterrik
De is so wol gezieret
Al met so mannigem Blömlin blau
Mit Marmelsteen gemüret
Darümme so licht ein gröner Walt
Ein gröner Walt darümme
Darinne so singt Frow Nachtigall
junk Umb unser beider willen
Frow Nachtigall klein Waltvögelin
Lat du din helle Singent
Ick bin des Woldes ein Vögelin klein
Unde mi kan Nemant dwingen
Bistu des Woldes ein Vögelin klein
Und kan di Nemant dwingen
So dwinge di de Nip unde kolde Schnee
Dat Löveken van der Linden
Und wenn de Linde er Loef verlüst
So bhölt se men de Este
Daran so gedenkt gi Megdelin junk
Und holdet juw tom besten
Un is de Appel rosenrot
De Worm de is darinne
Und is de Gesell all süverlik
He is van valschem Sinne
Daran gedenkt gi Megtlin junk
Unde latet juw nicht bedregen
Unde laven juw denn de Gesellen vel
Se don nicht denn dat se legen
Zwischen Hamborch und Brunschwik
Dar sint de breden Straten
Unde de sin Lef nicht beholden mach
De mot it varen laten
Achter mines Vaders Hof
Dar flücht eine witte Duve
Ick bin so mannigem Valken entslagen
Gefangen hefst mi ein Ule
De Ule de mi gefangen hefft
Der wil ich wol entflegen
To Regensborch aver de Muren
hen To minem steden Leve
Text bei Uhland 17 A nach dem niederdeutschen Liederbuch um 1600 Nr 66
