Mp3, CDs und Bücher dazu: :
CD buch

Fastelovend eß gekumme!
All de Kölsche sin aläät,
Üvverall gonn decke Trumme,
Üvverall do weed getrööt

Durch die Stroße springe Gecke,
Gääl der ein, der andere grön;
Wat se och zesammeflecke,
Jeder meint, sing Kapp wör schön.

Wie de Ale su de Junge!
Plätsch un Raspel en der Hand,
Kütt dat Puutespill gesunge,
Hügg säht nichs der Herr Scharschant.

Vun dem Nüümaat stolz un stödig
Trick der Fastelovendszog,
Un et Volk läuf rack wie wödig,
Süüth der Prinz nit off genog.

Strüüßger fleegen un Kamelle,
Alles juhz un raaf un laach;
Mallig deit dervun verzälle,
Wann vorüvver eß de Praach.

Üvverall gonn decke Trumme,
Üvverall do weed getrööt,
Fastelovend eß gekumme,
Un de Kölsche sin aläät.

Text Peter Berchem , (1866-1922) –
Musik: ohne Angaben – Karneval
in Kölsche Lieder , ca 1930 , Köln –

Region:






Kinderspiele | Fussball-Lieder | Balladen | Kinderlieder | Liebeslieder | Weihnachtslieder