I bin a Soldat von da Infanterie
i dean unsern Kini von Boarn
A Roß dös han i net, koan langen Säbel net
i brauch koan Kanona zum Fahrn
Drum bin i lustig g´stellt
mi hat no nia ebbs g´fehlt
als wia dös diri dari hoppsdodero hoppsdodero
als wia dös hundshäuta Geld
Und unser Herr Hauptmann dös is a Mo, is a Mo
der hat a bildsaubres Wei
dös is zwoa Meta lang, dürr wia a Hopfastang
und hat bloß oan Zahn mehr im Mäu
Aber Pulver hats grad gnua
an saubern Mo dazua
aba zwegn a diri dari hoppsdodero hoppsdodero
Bruada, mir wars ja grad gnua
Und heirat mi a koa Frau Gräfin net, Gräfin net
i wer scho a Weibsbild no kriagn
Dik und foast mog is gern
langharat siag is gern
Dösellan san schwara zum kriagn
I brauchs koplieren nöt
weils a so grad so geht
Denn zwegn an diri dari hoppsdodero hoppsdodero
hab i im Ehstand koa Gfrett
Z´nächst bin i glei gar amol fuchti worn
da hohns mi aufs G´richt auffi g´ladn
Soll Alimenten zahln, dös tät mir grad no g´falln
daß´s grad akrat mi habn derratn
Hab i g´sagt mi laßts aus
suchts enk an andern raus
Denn zwegn an diri dari hoppsdodero hoppsdodero
ruck i mitn Pulver net raus
Text und Musik: Verfasser unbekannt ?, keine Angaben
in Weltkriegs-Liedersammlung (1926)