Die Salzburger Glöckerl
die habn an schön Klang
und wenn du amal stirbst
leb i a nimma lang
Und´s Bier is so teuer
und´s Brot is so kloa
und jetzt hab i mir a Fleisch kaft
is a lauter´s Boa
Auf da Wies klngt a Heuschreck
auf oamal is er stad
ja weil ihm halt der Baua
an Kopf hat wegg´macht
Wenn´s Taler tat regna
und Fufzgerl tat schneib´n
nacha tat i Gott bitten
´s möcht´s Wetter so bleib´n
Die Buama die falsch san
die wern´s amal spürn
und die wer´n abscheuliche
Himmelfahrt kriag´n
Kömmas aufi zum Himmel
steht da Teufl vor der Tür
Halt! Bist allweil so falsch g´wen
ob´st hergehst zu mir!
Was bellt denn da Boxel
an Mond a so an?
Weil da Mon auf an Boxel
net abell´n ka
Wenn da Baua im Summa
a Landpartie macht
nachher geht er in d´Stadt nei
und bleibt übernacht
Mei Haus hat zehn Spreizen
und brauchat no drei
ja ich trau mer kam schneizen
so fallt´s auf mi ein
Jetzt hat hat der Baua
sei Ochsen verkauft
z´weg´n der Not is net g´schehen
ab´r´s Geld hat er braucht
Text und Musik: Verfasser unbekannt – Gstanzln aus Bayern –
in Gesellenfreud (1913)