Eh früh noch singt de erschte Larch
is alls noch stumm un still
do steigt de Sunn schu of’n Barg
weil se aufgieh will
Nooch guckt se ro un sogt un lacht
„Mei Annebargl Glück auf! Ihr Leit, nu vurwarts aufgewacht!
Fix kummt of’n Bielbarg rauf
Nu oder häßt’s: Raus ausn Nast!
De Stiefeln an de Ba
A halbes Stündel braucht mer fast
nort is mer’sch Bargel na.
Du gruße Lust! Die Aussicht heit!
Das blaue Himmelszelt!
Mei Bielbarg, du mei Stolz, mei Freid
Zeigst uns de halbe Walt!
Un ümedüm aa ka mer gieh
den Rundgang su bequam
do sieht mer’sch erscht: De Walt is schie
mer laaft als wie in Traam
ka Larm un ka Gereisch tut stärn
de Vögle singe süß:
Mei Bielbarg is, ich ka’s beschwärn
su schie wie’s Paradies!
Viel Dörfer, Täler, Flüss un Barg
mer do ze sahe kriegt
wie stolz mit seiner grußen Kerch
mei Annebarg doliegt!
De Butterfässer staunt mer a!
Drahscht’s, gieht’s zor Blocklhütt nei -—
drüm: Schänner als der Bielbarg
ka de Schweiz wuhl aa net sei
Ho ich amol ne Kopp racht vull
doß’ch net waß, wu er stieht
un is mir irgndwu net wuhl
wie’s manchmol nu su gieht
waß ich vür Sorg net ei noch aus
dann mach dos Ding ich su
Ich trog mei Läd of’n Bielbarg naus
do war ich wieder fruh
De Stag un Warg, die sei gar fei
Is wu a Platzel schie
do hot der Arzgebergsverei
gesetzt a Bankel hie
Mir Annebarger wissen’s wuhl
was mir an Bielbarg hobn
Mi Harz is zum Zerspringe vull
ich muß menn Bielbarg lobn!
Text: A. Möbius
Musik: Da streiten sich die Leut herum
in Liederbuch des Erzgebirgsvereins
