Zwa Sternlan am Himmel
die leuchten mitsamm
das oan leucht zum Derndlan
das andre leucht ham

Ka Vögerl is treua
sein Nesterl am Bam
als i mein liab´n Derndlan
ob i wach oda tram

Und bei mein Derndlan
da bin i so gern
und da wird man so guat
daß man übel kunnt wern

Oft tramt ma du warst
mit´n Busserl glei da
Wann i aufwach so busserl
i a Polsterzipfa

Text und Musik: Verfasser unbekannt ?
in: — Sport-Liederbuch (1921) —

Liederthema:
Liederzeit: vor 1900 : Zeitraum: