Woll mer net zum Umgang gehn (Münchener Umgang)


Woll‘ mer net zum Umgang gehn
Umgang gehn, Umgang gehn
weil es Wetter is so schön
wolln mer’n Umgang gehn
und z’erscht kommt oana ganga
a ganz a langa, tragt d‘ Fahnenstanga
da kommt der Wind und haut des Riesentrumm
mitsamt dem langen Kerl auf oamal um. Saudumm!

Und dann kommt der Prinzregent
Sakrament, der Prinzregent!
Tragt a Kerzn in de Händ
de wo gar net brennt
und dann die kloanen Madeln
mit dünne Wadeln und gstärkte Kladln
ja und wenns regnet schaun’s wia d’Fackerln aus
dann greint sie d’Mutta zhaus unbandig aus

Und dann kommt der Prinz Alfons
Prinz Alfons, Prinz Alfons!
Geht zum Umgang mit seim Gspons
in der Au, da wohnts!
Und dann die Köchin Fanni
ja des is ani, a Gestell wie kani
zum Umgang gehts grad weg’n ihr’m Schani
weil der steht heut Spalier bei die Hartschier

Und dann kommen de Hartschier
die Hartschier, Sporngeklirr
die Hartschier verwünschen den ganzn Umgang schier
möcht’ns viel lieber a Bier!
Und so a Schusterbua a kloaner
a soa Streuner, a ganz gemoaner
wia der d‘ Harttschier siacht, muaß er woana
weilas ham die Sporn so ggroß und koane Roß

Veteraner, Feuerwehr, noch viel mehr Militär
kommt in Sturmeslauf daher, mehr und immer mehr
Ja und die Musik spüit: das Fischerliad
a so a saudumme Liad, das ei’m ganz narrisch wird
bei uns dahoam san scho zwei Hund krepiert
weil so a saudumms Liad jeds Viech ruiniert

Text und Musik: Verfasser unbekannt (keine Angaben)
in Der Kilometerstein (1934)
Umgang => Prozession

Weitere Strophen in späteren Ausgaben:

Im Gedräng, da wird gedrückt
Uhr abzwickt, Dieb sind gschickt!
Wer da net auf ’s Tascherl blickt
wird gar bald beglückt!

Wieder kommt a ganze Schar
Paar für Paar, ’s wird net gar
Lauter alte Weiberleut
alle im schwarzn Kleid!

Und dann kommt der Jungfernbund
der is gsund, der Jungfernbund!
Tragt a Kranzl, kuglrund
aus eim gwissn Grund

Und am Schluß Fräulein Zizipee
Kopf in d Höh, wie a Fee
siecht mers aber im Neglischee
tuat eim alles weh…



mp3 anhören CD buch

Liederthema: Couplet | Scherzlieder
Liederzeit: (1934)
Schlagwort: |
Region: - -