Stab aus – Stab aus!
Dem Winter geh’n die Auge aus!
Die Veilcher un die Blume —
Der Summer werd bald kumme!
Ri Ra Ro!
Der Summerdag is do!
Der Fuchs der steigt ins Hinkelhaus
Und holt die Eier all eraus,
Mir äns, dir äns
Den andre Kinder aach äns.
’s Schüsselche wird bald klinge
Es wird uns etwas bringe
Was dann?
E Schüsselche voll kühle Wein,
Tunk ich aach mei Bretzel nein
Ri – ra – ro!
Der Summerdag isch do!
Wichsel, Wechsel,
Weis mer’s Kätzel,
Wuhin — dorthin!
Uff der goldne Wisse
Kummt der Sommer geschliche
Zum Berend, zum Berend!
Im Keller liegt er gefange
Unn wann mr net derzu kummt –
Er schlagt em mit dr Stange!
Drei Kanne voll Wein
Drei Bretzle nein
Do kenne die Herrn luschtig sein!
Ich hör etwas ·krache –
Die Madam will mer was backe,
Ich hör etwas klinge –
Die Madam will mer was bringe!
Ri – ra – ro
Der Summerdag isch do!
Ri, Ra, Ro,
De Summertag is do,
De Winter is vergange,
De Summer wem mer lange
Mit Spieße und mit Stange.
Rote Wei und Bretzel nei
Heit wen mer luschtig sei
Heit übers Jahr.
Do sinn mer wieder do
ll
Hansel, Hansel Fingerhut
Der nix verdient, der viel verdut
Frisch, frisch immer frisch
Do Ieit en alter Flederwisch,
Ri, ra, ro,
De Summertag is do!
in Pfälzische Kinderreime (1911)
