Mei Hoamat, mei Salzburg
di halt i in Ehrn
koa Fleck auf der Welt
kunnt ma liaba no werdn
Da bin i halt glückli
da gfreit mi mei Leben
für mi kanns auf Erdn
nix Schöners mehr gebn

Drum, liaba Herrgott mei
geh, schütz ma d´Hoamat fein
all unser Guat und Sach
und a die Muattersproch
schütz unsre Bräuch und Leit
weil´s di gwiß selber gfreit
wannst siagst wia schön alls is
des Paradies

Kimmst wo da wölln hin
is hiazt durt oda da
wannst aufrichtig bist
sags, es geht da was a
s Hoamweh kimmt kloanweis
und laßt da koan Ruah
dei Weg geht halt wieda
da Hoomatstadt zua

Drum, liaba Herrgott mei
geh, schütz ma d´Hoamat fein
all unser Guat und Sach
und a die Muattersproch
schütz unsre Bräuch und Leit
weil´s di gwiß selber gfreit
wannst siagst wia schön alls is
des Paradies

Dö Gegnd umadum
ja dös is scho a Pracht
so schön hats da Herrgott
wohl niadaschda gmacht
wannst nu so vagramt bist
steig aufi auf d Höh
da drobn vaschwindt glei
aft dei Hertload, dei Weh

Drum, liaba Herrgott mei
geh, schütz ma d´Hoamat fein
all unser Guat und Sach
und a die Muattersproch
schütz unsre Bräuch und Leit
weil´s di gwiß selber gfreit
wannst siagst wia schön alls is
des Paradies

Text: Otto Pflanzl (1865-1943)
Musik: Julius Welser –
in Alpenrose (1924)

Liederthema:
Liederzeit: vor 1924 : Zeitraum:
Orte: ,

Vergleiche auch:

  • Bhüat Gott liabi Hoamat Bhüat Gott liabi Hoamat du sunnfrohi Halt du Himmel voll Geign du singada Wald Viel Schuach han i zrissn und s Geldl vatan aber lusti…
  • So frisch is mei Bluat (Almsee) So frisch is mei Bluat wia das Wasserl im See so rein is ,ei Gmüat wia die Luft in der Höh Drum fahr mas in…
  • Der Hüatamadl-Tanz A Hüatamadl mag i net, Das is ma an die Wadln z´fett, Tra ra tra ra.... Mag a Madl aus der Stadt Des schöne runde…
  • Kein schöneres Leben kanns gar nimmer gebn Kein schöneres Leb'n kanns gar nimmer gebn als droben auf der Alm ho la la la la la bei de Kuhla und de Kalm ho…
  • Wannst in Himmi sagt er wuist kemma Wannst in Himmi, sagt er, wuist kemma, sagt er muaßt Handschuah, sagt er mitnehme, sagt er denn im Himmi, sagt er ist kalt, sagt er…