De ſchal my lef ſin

De ſchal my lef ſin
Jk wil to allen tiden
Sin denerinne ſin
[He] benimpt my ſware pin.

Min lef iſt ſo verne
Jk ſ[eh em ſo] ſelden
He en ſchal an mynem herten
Des nicht vorghelden
[De] vriſche ſelle.

Ach dat he wedder queme
[Dat] duchte my wol gud
He det [my]nem iungen herten
Ungh[eluc]kes en noch.
God gheve em alle gud.

[Wen] ik to dem danſſe gha
Gheſmuk[ket] alſo wol,
So ſteid de vriſcher [ſell]e dar,
Sin herte is duſent [fro]uden vul,
Jk gans em ver[truwe] wol.

[M]en dorſte en wort nicht ſpre[ken],
Dat dot der nider dwank.
Do [wort] ſin iunge herte
Van ſorghen [unde truren] krank,
Do en de nider dwank.

Du valſche nider, god ghe[ve]
Di (vele) vnghenoch.
Du benimmeſt [der h]oveſchen vrowen
Eren ſteden mot
[God] geve dy nummer ghud.

Liederthema: Mittelhochdeutsch
Liederzeit: vor 1450 : Zeitraum: 15. Jahrhundert

Scheyden du scheiden du vilſendighe not dat dyne walt myr alzyt gebod du makeſt my rot went an den dot des myr des myr nicht banghers des my nicht banghers kan…
Lave nicht dyneme frunde Julius. Lave nicht dyneme frunde, Du willeſt dat holden to grunde, Wes lovede langhe by enen blifft, De bewiſet, dat he node ghifft. David. De…
Jk vrowes mek jegen de ſommer tijdt, Jk vrowes mek jegen de ſommer tijdt, De angher lijd Mit blomen wol dorſtricket, Dar vor love ick eyn reyne dat wiff, Or tzarte liff…
Hühner und Habicht (Hühnlein braten) Der Hühnerhabicht ( Weihe , Kükeweih ) hat einen Holzhaufen zu errichten und tut, als schüre er Feuer. Die übrigen Spieler, welche die Hühner vorstellen,…
De könig wol to dem hertogen sprak De könig wol to dem hertogen sprak: „ach broder, harteleve broder! ach broder, hartlevester broder min! wo wille wi dat nu beginnen, dat wi dat…