Un uf der Wält si kener Lüt

mp3 anhören"Un uf der Wält si kener Lüt" zum Anhören, als Download, als Buch oder als CD bei Amazon

Un uf der Wält si kener Lüt,
wie üser Chüejer Chnabe,
sie hei die schönste schwarze Chüeh,
u si geng luschtig spät u früeh
u luege´s nit vorabe.

Am Morge früeh, we’s tage wott,
ga mir ga Fueter rüste,
u mängist de am Abe scho,
damit mer besser möge gcho,
für Milch i d’Nidle z’schütte.

We de der Charre gladen ist,
näh mit der Bigger füre
u fahre hübscheli gäge Bärn,
gäh d’Nidle schlächter weder färn,
mir möge’s gar wohl gspüre.

U we de Lüdere-Chilbi ist,
de ga mir eis ga schwinge
u jutzen öppe o ne hli,
u bi me Tröpfli chüele
Wy cheu mir gar fröhlich singe

Drum jutze mir juhe! juhe!
Die Chüejer, die hei’s lustig!
Es macht e jedere was er cha,
u blybt derbi e brave Ma
u het gäng gueti Rustig.

Emmentaler Volkslied

Liederthema:
(1900)

Region: