Der Amtmann is vasetzt wor n letzt
Da war an Abschiedsfest
Und magst es hör’n so will i etzt
vazähl n wia dös is g west
Die Schuljug’nd dös war s allererst
Die hat an Chor ang’stimmt
So wia’st so leicht koan schönern hörst
Pass af etz, was da kimmt
O hängt ihn auf O hängt ihn auf
So heb’n die z’singa an
No denk i, dös past schlecht da d’rauf
Dem san’s bös Feind dem Mann
O hängt ihn auf! O hängt ihn auf!
Den grünen Lorbeerkranz
für Deinen ganzen Lebenslauf
Gebührt Dir Ruhm und Glanz
No ezat tuat’s es ehnder do
Etz laß i mir’s scho g’fall’n
Der ko scho z’frieden sei der Mo
Der hört sei Lob derschall’n
D’rauf is na g’folgt die großi Red
Der Gmoavorstand der halt’s
Dass dös bei dem nit gar z’guat geht
Dös sell is ja was Alt’s
Es scheidet jetzt das große vie –
So nimmt der Redner s Wort
Da hust’t er scho und räuspert si
Na fahrt er aba fort
„Das große vielgeliebte Haupt
Aus unsrer Mitte bald!
Wer hätte das noch jüngst geglaubt
Nun freut sich Jung und Alt…“
A kloani Stockung geits af’s Neu
Do geht’s bal wieder an
Auf frohes Wiederseh’n! Dies sei
Der Trost für Jedermann!
Sie sind bekannt ja weit und breit
Im Lande nur als Schaf …
Et niest der Redner wia nit g’scheidt
Schlagt’s G’schrieb’na nacha af
Als Schaffer uns’res schönen Glücks
Dank sei d’rum dargebracht
De, Manne heut, umflorten Blicks
Der stets an sich gedacht …
Au weh“ Etz spukt’s! Etz hat er d’Brill n
Die falschi, vo der frau
Etz kann er halt mi’m best’n Will’n
Ua d’Schrift nit les’n g’nau
… Un sich gedacht zu allerletzt – – –
Dem Mann den Keiner mag – – –
Vergessen je – dem Mann – sei jetzt
ihm sei am heut gen Tag –
Ein Hoch gebracht – ein donnernd Hoch
Ergreifet den Pokal
Er lebe hoch und nochmals hoch
Und hoch zum dritten Mal
So hat er g’schwind an Schluß ang’hängt
A wen’g ham d Leut scho g’schaut
Do ham’s zon Amtmann si na drängt
Und Vivat g’rufen laut
Horch! – Dös is schö! Da drunt vur n Haus
Ertönt etz d’Serenad
Und Alli schaug’n ’s zon Fenstern naus
Die Musi is a Staat
Sechs Mann ham blas’n flott und fei
Nur’n Baß hat ma z’stark g’hört
Und weil koa Text nit war derbei
Hat d’Auswahl grad nit g’stört
Dös erscht Stuck is aus Martha g’wen
As Lied vom Lionel
Du hast ja d Oper g’wiß scho g’seh n
Wie hoaßt’s beiläufi schnell?
„Der Himmel mag vergeben Dir
Was Du mir Armen tatst!“
Dass freili dös kaam passt hat hier
Sell, glaab, i sell derratst
„Es fiel ein Reif in der Frühlingsnacht“
Dös ham’s als zwoat’s d’raufg setzt
Na spiel’n’s dass oan nit z trauri macht
„Guat’n Morg’n Herr Fischer!“ z’letzt
Der Amtmann hat si groß bidankt
für gar so vieli Ehr’n
Und was’n Schluß na anbilangt
Gnua ham s all kriagt die Herrn
D’liab’n Berg!
Oberbayerische Dialekt-Dichtungen von Carl von Leistner
Von Carl von Leistner · 1887