Soll ich der was verzehle
Von de alte Beele ?
Wann se kä Grumbeer hat
kann se a kä schäle
Wollt se in de Keller gehe
Und sich Grumbeere hole
Kum es bucklig Mänche her
unn schmeißt se jo mit Kohle.
Bucklig Männche, schmeißt de Kohle,
kannsche a mei Grumbeere hole
Wollt se in die Küch gehe
Un ehr Süppche koche
Steht es bucklig Männche dort
Unn schmeißt jo mit Knoche
Bucklig Männche, schmeißt de Knoche
Kannscht de a mei Süppche koche
Wollt se in ehr Stübche geh
Unn ehr Bettche mache
Steht es bucklig Männche dort
Unn fangt jo a se lache
Bucklig Männche, kannscht de lache,
Kannschtde a mei Bettche mache
Wollt se in ehr Gärtche geh,
Unn ehr Blümelcher gieße
Steht es bucklig Männche dort
Unn fangt jo a se niese
Bucklig Männche kannscht de niese
Kannscht de a mei Blümelcher gieße
Wollt se in ehr Ställche geh
Un ehr Kühche melke
Steht es bucklig Männche dort
Und fangt jo a se schelte
Bucklig Männche, kannscht de schelte
Kannscht de.a mei Kühche melke
Wollt se in die Kerch geh
Unn e bisje bete
Steht es bucklig Männche dort
Un fangt jo a se rede
Bucklig Männche, kannscht de rede,
Kannscht de a e bisje bete
Pfälzische Kinderreime (1911)