Rolling Home (Dor fohr vun Hamborg mol so´n olen Kassen)

Lieder zur See | | 2004
Mp3, CDs und Bücher dazu: :
CD buch

Dor fohr vun Hamborg mol so´n olen Kassen,
Mit Namen heet he Magelhan.
Dor weer bi Dag keen Tied tom Brassen,
dat leet man all´ns bit Obends stohn.

Rolling home, Rolling home
Rolling home across the sea
Rolling home to di, old Hamborg
rolling home, mien Deern to di


Bi Dag, dor kunn dat weihn un blasen,
dor wör noch lang keen Hand anleggt.
Doch so an´n Obend no veer Glasen,
denn wör de ganze Plünnkrom steckt.
Rolling home, Rolling home…


Dat weer so recht den Ohln sien Freeten
dat gung em öber Danz un Ball
harr Janmaat graad de Piep ansteken
den rööp de Ohl: Pull Grootmarsfall
Rolling home, Rolling home….


Dat kunn de Kerl verdeubelt ropen,
Dat weer em just so no den Strich,
Man schraal de Wind denn noch 6 Streeken,
Wat weer der Kerl denn gnatterich.
Rolling home, Rolling home….


Un unsen heilgen stillen Freedag
wat doch uns höchste Festdag is
un unsen heilgen Buß- und Beeddag
dor seggt de Ohl: Dat giff dat nich
Rolling home, Rolling home….


Jedoch so recht bi Licht bekeeken
do weer uns Ohl noch lang nicht slecht
harr Smutje mol een Swien afsteken
trangscheer he sülben dat torecht
Rolling home, Rolling home….


De Lüüd de kreegn so recht dat Lopen
se freiten sik, ik weet nich wie
se kregen von dat swien de Poten
un gele Arfensupp dorbi
Rolling home, Rolling home….


Oh, Magelhan, du olen Kassen,
dit Leed schall di een Denkmol sien.
Bi Snee un Reg’n wascht Jan Maat Masten,
un achtern suupt se unsen Kööm.
Rolling home, Rolling home….







Kinderspiele | Fussball-Lieder | Balladen | Kinderlieder | Liebeslieder | Weihnachtslieder