Mei Frau hoißt Annagret
wenn sie no dr Gugguck hätt
wenn no dr Sturmwind kam
und se mit nach Holland nahm

Will i wuscht, no will se hott
trink i Woi, no trinkt se Moscht
guck i süß, no guckt se saur
Bin i net a gschtrafter Baur

Will i essa, will se faschta
will i ruha, will se haschta
will i rechts, no will se links
sag i Spatz no sait se Fink

Will i dies, no will se das
sing i Alt, no singt se Baß
schteh i auf, legt sie sich nieder
schlag i zruck, schlagt sie me wieder

Kurz und guat, mit einem Wort
war se no scho endli fort
I holt a andre mir ins Bett
aber gwiß koi Annagret

Text und Musik: Verfasser unbekannt

Liederthema: ,
Liederzeit: vor 1900 : Zeitraum: