Et wasen twe Kunnigeskinner (1908)

Mundart, Niederdeutsch und Dialekte | | 2011
Mp3, CDs und Bücher dazu: :
CD buch

aus dem Paderbornschen

Et wasen twe Künigeskinner
De hadden enanner so leef
Se kunden bisammen nich komen
Dat Water was vel to deef

Leef Herte, kannst du der nich swemmen?
Leef Herte, so swemme to mi
Ick will di twe Keskes upstecken
Un de sallt luchten to di

Dat hörte ne falske Nunne
in ere Slapkammer, o weh
Se dede de Keskes utdämpen
Leef Herte bleef in de Se

Et was up en Sunndages Morgen
De Lüde twern alle so froh
Nich also de Kunnigesdochter
De Ogen de satten he to

O Moder, sede se, Moder!
Mine Ogen dot mi der so we
Mag ick der nich gan spazeren
An de Kant van de ruskende Se?

O Dochter, sede se, Dochter!
Allene sallst du der nich gahn
Weck up dinen jungesten Broder
Un de sall mit di gahn.

Min allerjungste Broder
dat is noch so´n unnüsel Kind
he schüt wol alle de Büglkes
De an de Seekante sind

Un schüt he ock man de wilden
Un leet de tamen gahn
So segget doch alle de Lüde
Dat het dat Kunnigskind dahn

O Moder, sede se, Moder
Min Ogen dot mi der so weh
Mag ick der nich gahn spazeren
An de Kant van de ruskende See?

O Dochter, sede se, Dochter!
Allene sallst du der nich gahn
Weck up dine jungeste Suster
Und de sall mit di gahn

Mine allerjungeste Suster
dat is noch so´n unnüsel Kind
se plückt ja alle de Blömkes
De an de Seekante sind

Un pflückt se ock man de wilden
Un leet de tamen stahn
So segget doch alle de Lüde
Dat het dat Kunnigskind dahn

O Moder, sede se, Moder!
Min Herte dot mi der so we
Lat annere gahn na de Kerken
Ick bet an die ruskende See

Da satt de Kunnigesdochter
Upt Hoeft ere goldene Kron
Se stack up eren Finger
En Ring van Demanten so schön

De Moder geng na de Kerken
De Dochter geng an de Seekant
Se geng der so lange spazeren
Bes se den Fisker fand

O Fisker, leveste Fisker
Ju könt verdenen grot Lohn
Sett mi ju Nettkes to Water
Fisk mi den Kunnigesohn!

He sette sin Netkes to Water
De Lotkes sunken to Grund
He fiskde un fiskde so lange
De Kunnigssohn was sin Fund

Da nahm de Kunnigesdochter
Vant Hoeft ere goldene Kron
Sieh da, woledele Fisker
Dat is ju verdeente Lohn

Se trok van erenm Finger
Den Ring van Demanten so schon
Sieh da, woledele Fisker
Dat is ju verdeente Lohn

Se nahm in in ere Arme
Den Kunnigessohn, o weh!
Se sprang mit em in de Wellen
O Vader o Moder, ade!

Diese Fassung als „aus Münster “ in Deutscher Liederhort (1856) ,  “ aus Westfalen “ in Zupfgeigenhansl (1908)
und als  “ Aus dem Paderbornschen “ in Alte und Neue Lieder , ca 1910 ( Paderborn )

1908

Region:






Kinderspiele | Fussball-Lieder | Balladen | Kinderlieder | Liebeslieder | Weihnachtslieder