Et log ner Geiß ens schwer om Hätz (De Geiss wollt ne lange Stätz han)

Mundart, Niederdeutsch und Dialekte | 2011
Mp3, CDs und Bücher dazu: :
CD buch

Et log ner Geiß ens schwer om Hätz
Dat sei bloß hatt dat Stümpche Stätz
Dä Stätz, dä wollt nit wahße
Dä Stätz, dä wollt nit wi-wa-wahße
Dä Stätz, dä Stätz
dä klitzekleine Stümpchesstätz
Met dem Stümpche dhät se wibbele
Dhät se wibbele, seufs un säht
Die paar Höörcher, die paar Zibbele
Sin de Möh nit wäht

Däm fählt geweß die Feuchtigkeit
Dat hä nit länger wäden deit
Söns möht dä Stätz doch wahße,
Söns möht dä Stätz doch wi-wa-wahße
Dä Stätz, dä Stätz
dä klitzekleine Stümpchesstätz
Noh däm Mülldeich dät se stitzele
Stippt dat Stümmelchen doh eren
Dhät de Kält se och jet kitzele
Standhaffheelt se’n dren

Su soß se dann de ganze Naach,
Zo gevven op dat Wahßen aach.
Hä schung ehr ald jet länger,
Hä schung ehr ald jet li-la-längen
Dä Stätz, dä Stätz,
dä klitzekleine Stümpchesstätz.
Dann un wann dhät sei noch schlängere
Met däm Zibbelche, bis sei schleef,
Un vun ehrem Stätz, däm längere,
Dräumte sööß un deef.

Doch als der helle Morge kohm,
Die Geiß met Schrecke wohr jitz nohm:
Dä Stätz wor faßgefrore,
Dä Stätz wor faßgefri-fra-frore:
Dä Stätz, dä Stätz,
dä klitzekleine Stümpchesstätz.
Wödig fing se an zo hibbele,
Reß dat Stümmelche och eruus;
Doch die Höörcher, die paar Zibbele
Gingen dobei uus.

Die Geiß denk jitz noch Öftesch dran,
Well keine lange Stätz mih han.
Do, Minsch, deiht Deer jet fähle,
Do, Minsch, deiht Deer jet fähle,
An Geld un Goot,
ov söns en große Kleinigkeit,
Dann, o Fründ, gevv dich zofridde,
Bruch dat Winnige met Akih;
Dann et gidd’rer vill hienidde,
Die han och nit mih!

Text: Willy Räderscheidt , 28. Januar 1894 (alias „Ohm Will“ (1866-1926))
Musik: Adelheidsche- (Schoor-) Melodie , in Karnevalslieder-Album (S, 50)
in Kölsche Lieder ( Köln , ca. 1930)

Region:






Kinderspiele | Fussball-Lieder | Balladen | Kinderlieder | Liebeslieder | Weihnachtslieder