Der schönste Namen op der Welt (Der Schmitzen Hen)

Mundart, Niederdeutsch und Dialekte | 2011
Mp3, CDs und Bücher dazu: :
CD buch

Der schönste Namen op der Welt
Dat eß der Name Schmitz!
Dä Schmitze Stamm sich opräch hält,
We mer gesinn bis jitz.
Ald en der Arch beim Noah wor
Ne Schmitz met Krätz em Kopp,
Un dovun stammp, da ´ß mallich klor!
Der ächte kölsche Stropp!

„Dat es dä Schmitzen Hen
Dat es dä Schmitzen Hen
Dat es dä Schmitzen Henderich
Dat es dä Schmitzen Hen!“

Vörwohr ne Jung met Levvensmoth
Eß unse Schmitzen Hen!
De Mädcher all, de sin im got,
Op in steiht ehre Senn.
Kütt hä de Stroß eraffgewalz,
Loht, watt nor Schützeln dräät!
Gän flög im alles an der Hals,
Un ein zom andere säht:

„Dat es dä Schmitzen Hen
Dat es dä Schmitzen Hen
Dat es dä Schmitzen Henderich
Dat es dä Schmitzen Hen!“


Wann beienein des Ovends sitz
Sing Klick en Loß un Freud,
Dann fump et doch nit, bis dä Schmitz
No endlich kummen dheit.
Doh springk de Dhör op eimol op!
„Hurrah! jitz si‘ mer bovven op!
Jitz schloht de Trummeleut!“

„Dat es dä Schmitzen Hen
Dat es dä Schmitzen Hen
Dat es dä Schmitzen Henderich
Dat es dä Schmitzen Hen!“

Sugar dat finge Schmitze Nett,
Dat junge vun der Ahl,
Dä leeven Hen am leevsten hätt,
Et lick vill Liebesqual.
Wann die Mama et frogen dheit,
Watt it dann quälen däät,
Un wer im mäht dat Hätzensleid,
Dann kühmb et deef un säht:

„Dat es dä Schmitzen Hen
Dat es dä Schmitzen Hen
Dat es dä Schmitzen Henderich
Dat es dä Schmitzen Hen!“


Ov Freier hä ov Ehemann,
Ov Bürger ov Zaldat,
Hä eß un bliev ’ne ganze Mann,
Dä Kölschen all zom Staat.
Em Fridden hä met Ihser schaff,
Em Kreeg, we Jan vun Wäht,
Häut hä eröm sich immer brav
Zo Fohs, ov och zo Päd.

„Dat es dä Schmitzen Hen
Dat es dä Schmitzen Hen
Dat es dä Schmitzen Henderich
Dat es dä Schmitzen Hen!“


Un wann dä Fastelovend kütt,
dann eß hä met derbei
Un en der allerdollste Schwitt
Steiht hä en ehzter Reih! –
Weßt ehr, woröm ’ne Schmitzen Hen
Ich he em Leed besung?
Ich wollt en im besinge schön
Jedwede kölsche Jung!

Hurrah dä kölsche Jung,
Hurrah dä kölsche Jung,
Hurrah, dä gode kölsche Jung,
Hurrah, dä kölsche Jung

Text: Gerhard Schnorrenberg ,1889 (1847-1913)
Musik: F. Ullrich ( TTA XI S. 26 – Karnevalslieder-Album )
in Kölsche Lieder (ca. 1930 , Köln )

Region:






Kinderspiele | Fussball-Lieder | Balladen | Kinderlieder | Liebeslieder | Weihnachtslieder